Baṅladiso̠mre̠ Santal Hul Mahã Mano̠t Sãote Manao Hoyena 

Santal Hul

Online News Desk | July 1, 2019

Calaoen 30 june Santal hul mãhã manot kate manao hoyena. 164 serma laha Indian subcontinent noa noa hul se̠ṅge̠l pasnao lena. Eṅlish east india kompany sorkara ar onkoren usulakan Mahajankoak̕ ko̠clo̠n, saset, luṭpaṭ, sud jo̠jo̠m, jo̠bo̠r do̠kho̠l, re̠re̠c̕, gańjon, santhao birudre noa maraṅ hul hoylena.Ar noa hul ren Ạyric̕ko tahẽl̃na pon dilgạriạ birbanṭa boeha sidhu murmu, kanhu murmu, cand murmu, bhaero murmu. Nokoren misera phulo̠ murmu ar jhano̠ murmu hõ̠ he̠re̠l ho̠pon leka Ak̕ ạpạṛiante bạiri ko̠ birudre rekin lạṛhạilena. Noa hul renak̕ lạṛhae re 50 hajar khoe jạsti santal ho̠po̠nko mãyãm go̠ha leda.E̠ke̠n sido-kạnhu gharońj khonge 7 ho̠ṛ ko mãyãm gohaleana. Ar onko disạ uihar kate goṭa dhạrti re 30 june santal ho̠po̠n ko do̠ hul mãhã manao ạguyeda. Jao serma leka noa serma hõ̠ Baṅladisomak̕ aema Nagrah ar ato disomkore mạn manote kate Santal hul mãhã mano hoyena. Dhaka Division: Dhaka Marnaṅ nagrah re 28 tạrik santali hul. E̠nte̠ 30 june Baṅladiso̠m re jahan vacation Banuk̕a. Ar dhaka nagarah o̠lo̠k̕ parhao ar nukriakan Santal ho̠po̠n ko do̠ so̠kol bar noa hul uihar kate ko manao keda. Santal Students union aso̠l ḍạṛ (Sasu) khoe Dhaka university campus re noa hul manao hoyena. Inạ chaḍa hõ̠ uttarbangạ adibasi forum khoe hul mãhã manao hoyena. Chaṭṭagram Division: Chaṭṭagram Division re pạhil dhao leka 28 tạrik santali hul manao hoyena. Okare 100 goṭen santal gharońj menak̕a. Noa hul mãhã manano gapalmarao re Khagrachori, Panchori khoe aema santal ko se̠te̠rlena. Rajshhahi Divison: Rajshahi divison reak̕ aema jaega re mạn manot kate hul mãhã manao hoyena. Rajshai nagrah re.Rajshai Divisional Ethnic minority cultural accademy khoe santal hul mãhã manao hoyena, Inạ chaḍa Godagari upozila renak̕ Kakon haṭ, Pakri Tanore upozila renak̕ Tanore re Saran Foundation, Sãotal jagoran akhra ar Tanore santal Chatro Saṅghaṭhạn hote̠te̠ hul mãhã manao hoyena, Tanore ar Badhair Union re ramdebpur ato re Hul mãhã manao hoyena. Ona chaḍa hõ̠ Chapainawabganj renak̕ Nachole, Noagoan reak̕ Niamotpur, Balator, Bogura jilạ santal hul mãhã mano hoyena. Raṅgpur Divison: Raṅgpur Division reak̕ dinajpur jilạ renak̕ Nawabgańj re Nawabgańj santal federation hote̠te̠ santal hul mãhã manao hoyena. Inạ chaḍa Birampur Upozila reak̕ Dhanjuri ato re, kaharol, Parbatipur, Khansama, Bocagońj, Ghoraghat Rangpur nagrah re mạn manot kate santali hul mãhã mano hoyena.

Rajshahi Ethnic Minority Cultural Academy Khon Hul Maha

Dhaka Central SASU khon Hul Maha.

Chittagong Re̠ Hul Mahã